Тӏема даькъе дӏаязбара Цаӏ йолча моттига балхаца хьалхале лелаеш я Гӏалгӏайче
Тӏема даькъе дӏаязбаь латтача бахархой гӏулакхе Цаӏ йола моттиг юкъелоацаш, болх дӏабахьара тӏехьа дикка хьалхадаьннарех да вай тахан. Из белгалдир, мехкарча премьер-министра Сластенин Владимира дакъа лоацаш, РФ Паччахьалкхен кулгалхочун гӏонча волча Григоренко Дмитре дӏайихьача кхетаче.
Паччахьалкхен хоамий оагӏонцара болх юкъебаккхарах дийцар гулбеннараша. Керда реестр юкъейоалаеш болх дӏахьоча, вай мехкара тӏема комиссариат эггара хьалха я. Мехкарча Паччахьалкхено белгалдир, болх боаггӏача боараме дӏабахьарах тахан вай эггара хьалха латтилга.
«Тӏема комиссариата болх дикка аттача боаккхаргба бахархоех долча хоамий Цаӏ йола моттиг хьакхолларо. Мехка тӏема учёт дӏахьоча балхаца чӏоагӏа лоархӏаме да из», - аьлар премьер-министра Сластенин Владимира.
Тахан, хувца дезаш дар хувцаш, «Госуслуги» яхача портале гӏолла тӏабехаш йола электронни повесткаш дӏакхахьийта аьттув ба тӏема комиссариатий.
