«Бералла наькъаш» яхача Ерригача Россе семинаре дакъа лоацаш вар вай мехкахо
«Бералла наькъаш» яхача проекта моттигерча балаха лостам луш вола Колой Саӏид, Москве дӏахьоча Ерригача Россе семинаре-кхетаче дакъа лоацаш вар. «Сердалога» из хоам бир дешареи ӏилмани гӏулакхех йолча министерстве. Тайп-тайпарча моттигашкарча викалашта юкъера бувзам чӏоагӏбара тӏехьа лоархӏаме кхетаче хилар цох. Берригача мехкара цу оагӏон доакъашхой бар гулбеннараш.
«Программан юкъе дар болх бе ӏомабалар, сессеш. Из деррига а цу оагӏонцара болх тоабеш, тайп-тайпара проекташ йоаржаеш, кердадараш довзийташ дар. Программан юкъе эггара лоархӏаме хиннар Россе дешар гӏулакхах йолча министерствон хьалха латтача Кравцов Сергейца кхетаче дӏаяхьар дар. Паччахьалкхен политиках, къонача тӏехьенца дӏахьоча балхах, иштта кхыдарех дийцар цига», - йоах тхога бенача хоамо.
Москвера семинар хӏара моттигерча доакъашхошта дикка пайда беш, дукха хӏама довзийташ хилар.
