ГӏалгӀайче «баьццарча даькъ тӀа» я, доал деча доазошта новкъостал лоаттадеш
ГӏалгӀайче чуйоагӀаш я «баьццарча даькъа», Запорожски область меттаоттаяра балхаш дӀахьоча. Мехка толам белгалбир из моттиг дегӏайоалаяра Россе гӀишлошъяра Министерствон кхетаче дӀахьош Паччахьалкхен комиссе, Хуснуллин Марата кулгал деш хиннача.
ГӏалгӀай Республикан Кулгалхочун, Паччахьалкхен зарбан болх лелабераша баьча хоамах,2023 шу дӀадоладелча денз, доал деш йолча Токмакски кхале 200 моттиг дӀайихьай, вахара гӀишлош цӏенхаштта тоаяра, йӀовхал чуйиллара, хица Ӏалашо яра хетаяь. Цул совгӀа, дӀахо де дезачун план яьккхай 2030 шерга кхаччалца меттаоттадара балхаш дӀадахьа.
«Уж хьалхара декхараш да наьха маьрша вахар юхадоаладеш дола»,-аьлар ГӏалгӀайчен кулгалхочо Келаматанаькъан Махьмуд-Ӏаьлас.
Цу юкъе республико дегӀадоаладеш латт гуманитарни, дешара бувзамаш. Кхаь шера Токмака кхален 120 гаргга бер шоай каникулаш дӀахьош да ГӏалгӀайче, «Аьрзи» яхача берий могашала лагере салоӏаш, Мужеча спортивни база даькъ тӀа тренировкашка дакъа лоацаш.
