ГIалгIайченои, Самарски областои шоай гIулакхера а, иштта туристически оагIорахьара а болх дегIабоалабергба
Ингушетия и Самарская область будут расширять свои деловые и туристические связи, сферу социально-экономического сотрудничества, информировали газету «Сердало» в пресс-службе Главы РИ.
Самарски областа губернаторца ший кхетача йолча хана, Келматанаькъан Махьмуд-Iаьлас дика пайда лургбола хаттараш юкъедаьхар.
«Вай региона чIоагIагIа бувзам лелабе беза. Цига дика накъадаргдар шинна оагIорахьа болх, цхьана дIахьош хилар. Халкъий барт хилара денца дувзаденна, цхьана, выставкаш а концерташ а дIахьош хилча. Вай дерригаш а цхьан мехка дахархой да, цудухьа вай россе дахархой хиларо, вIашкаоза деза вай. Цунца дувзаденна, наха дукхагIа йовзийта еза къамий культура, Iадаташ», — аьлар ГIалгIайчен Кулгалхочо.
Самарски областа губернатора, Азаров Дмитре, из хьаллаьцар, из чIоагIа раьза хилар цIаькха а ГIалгIайче ва.
«Из Iа юкъедоалде аьнна хьалдоаккхаш дар чIоагIа дика хIама а да, вай юкъарча низаца а безамца из кхоачашде таро а я», — аьлар Азарова, ше Келматанаькъан Махьмуд-Iаьлаца къамаьлдеш.
Цу кхетаче иштта дийцар социально-экономически оагIорахьа ГIалгIайчено а, иштта самарски областа а шоайла айхха бувзам лелабича бакъахьа хиларах.
Келматанаькъан Махьмуд-Iаьлас Азаров Дмитрега дийцар, республика промышленноста хьал мишта латт а. Иштта дийцар, тахан, ГIалгIай Республике хьабеш бола тIабувха гIирс а, кога гIирс а Самарски областе лоаттабеш хилча бакъахьа хургдар, из тахан гIишлон объекташка эшаш ба аьнна. Тахана, белгалдир Келматанаькъан Махьмуд-Iаьлас, экономически оагIорахьа, айхха бувзам лелабара эшаш мел дар долаш да.
Къаьстта терко тIаяхийтар Самарски областаи, ГIалгIайчени юкъерча авиасообшенена. Вай Республика Кулгалхочо аьлар Азаров Дмитрега регионашта юкъе фегара кема лелаш хилча бакъахьа дар аьнна, вIаштIехьа дале цу гIулакхага хьажар а дехаш.
Хьалхара Самараи вай республикаи юкъера авиарейсаш дIайолаеннаяр, аьхкий. Бакъда, тIехьар тIа цхьаькха рейс хиларо наха таронаш дукхагIа хулийтаргьяр, хIана аьлча, дIа-хьа ухаш бола нах дукха ба, цхьа рейс тоаш яц, цул совгIа туристаш а дукха хул. Самаре пересадка ергйолаш болхараш а кIезига бац.
«Из ца дича даргдолаш дац. Тхо хIанз тохкаш да «Курумоч» аэропортацара хьал, базови тIехьар тIа йола рейс хургйолаш.
Цо таронаш шеръергья, иштта массехк чIоагIагIа накъайоалаш а хургъя. Москве гIолла СибарегIа а Урале а ваха везаш хургвац», — аьлар Самарски областа губернатора, цу гIулакхага хьожаш да тхо аьнна.
Иштта дийцар студенташта юкъера хьал тоадара дола хаттараш а. Самарски областа лакхарча дешара кхуврчашка, таханарча денга кхоачаш, 100 студент дешаш ва. Махьмуд-Iаьлас белгалдир, вайна квалификаци йола кадраш чIоагIа эшаш хилар.
