Гӏалгӏай дезал котбаьлар, «Шера дезал-2025» яхача яхье
Гӏалгӏайчера Мархенаькъан дезал котбаьлар, дукха ха йоацаш хиннача «Дезал Даьхен лорабой» яхача оагӏонца дӏахьоча Ерригроссийски «Шера дезал-2025» яхье.
Мехка кулгалхочо Келаматанаькъан Махьмуд-ӏаьлас дезал даькъалабийцар; уж шоай Даьхе езаш, дезалера ӏадаташ чӏоагӏа долаш хиларах из совгӏат кхаьча хилар белгал а деш.
«Гӏалгӏай къаман дезал даим хиннаб керттера моттиг дӏалоацаш. Из эггара вахаре мах болаш дар да, вай ноахалгара ноахалга доалаш, лорадеш хьадоагӏаш», - аьлар Мехкадас.
Белгалде деза, «Дезал Даьхен лорабой» яха оагӏув хьакхеллаб бӏухой, ветеранаш бола дезал хьаллацара. Из лерхӏам бар да, мохк лорабеш латтарий.
Сона лов Мархенаькъан дезале могашал, беркат, барт, цхьоагӏо хилар; ер совгӏат шоашта кхаьча хилара бахьан керттера а долаш, дезалера ӏадаташ цар доацадар»,-аьлар республикан кулгалхочо.
