ГӀалгӀайчен депутаташ кийчлуш ба гуйранара сесси дӀаяхьа
Халкъа Гуллама спикера ТӀумхой Мухьмада кулгал деш, парламента Кхела кхетаче хилар, цига вӀашагӀъеллар Халкъа Гуллама кхетачен чаккхе еш йола проект, из дӀаяхьа лерхӀ оагӀой бетта 26-ча дийнахьа.
Парламента дувца лерхӀача дешашта кертте латт 2025 шера, иштта 2026, 2027 шерашкара бюджет тӀаэцар.
Из цхьа дош дийца а Ӏергбац уж цига. Массехк керда законопроект тӀаэца лаьрхӀад, царна юкъе: ГӀалгӀай Республикан Закона юкъе «Культуран тӀехьален гӀишлонех» дола хувцамаш дахьар да, из мехка закон федеральни законаца дужаш хургдолаш; «ГӀалгӀай Республикан цӀихеза хьайбай лор» яха цӀи ялара законопроект; «Юртбоахама лаьтташ леладеча керттердар» яхача закона юкъе хувцамаш дахьар.
Цул совгӀа, парламента лаьрхӀад Шолжа-Шахьара администраце 2024 шера баьча балхага ладувгӀа.
