Йоккхача яхьашка белгалбаьлар вай каратисташ
19.09.2024 10:30
XVӀ-ча ерригача Россе латарах долча кагирхой ловзарашка дошо, дото майдилгаш яьхар вай мехкарча каратисташа. Краснодарерча Витязево яхача юрта дӀайихьар яхьаш. Мехкарча 49 моттигера 900 совгӀа спортсмен гулвеннавар цу яхьашка.
Дошув кхаьчар 12-13 шерга кхаьчача спортсменашта юкъе 42 кг л дозал долча Гаьгенаькъан Рамзана, дотув даьккхар 39 кг волча Шовхаланаькъан Илеза. Шаккха спортсмен Ӏомавеш хинна тренераш- Россе каратэ федерацен моттигерча оагӀонна кулгалду Шовхаланаькъан Ӏаддал-Ӏазит, Къоастой Джабраил.
Берий-кагирхой эггара йоккхагӀа йола спорта яхьаш лоархӀаш да ерригача Россе кагирхой латарах дола ловзараш. 2008-ча шера денз хьадахьаш да уж Россе.
