Классай кулгалхой Москверча кхетаче гӀоргба вай хьехархой
18.08.2025 09:26
Москве дӀахьоча классай кулгалхой Ерригача Россе V-ча кхетаче дакъа лоацаш хургва вай мехкара виъ хьехархо. Укх шера цу яхьашка дакъа лаца безам болаш дехар чуденнараш 50 эзар совгӀа саг вар.
«Росси» яхача Халкъий моттиге ардара бетта 1-ча денгара 3-ча денга кхаччалца дӀахьоргйолча кхетаче вай мохк бовзийташ хургба истори, обществознани хьехаш бола Жаненаькъан Фатима, Котанаькъан Малайк-хан, ингалсий мотт хьехаш йола ГӀоандалой Зарема, географи хьехаш йола Баркинхой Радимхан. Цу оагӀонцарча министерстве белгалдир, уж хьехархой лакхача боараме шоай болх дӀабахьарал совгӀа, дешархошта нийсагӀа, беркатегӀа бола никъ хьехаш, цар сакхетам нийсбеш къахьегаш болга.
