Финлянде гулъяьча тоабан юкъе ловзаш хургва вай футболист Мархенаькъан Адам
Финлянде тоабан юкъе ловзаш хургва вай мехкара футболист Мархенаькъан Адам. FӏFA чудоагӏаш, тушола бетта дӏахьоргдолча халкъашта юкъерча ловзарца хургва из. «Сердалога» из хоам бера футболах йолча Федераце президент волча Хьулахой Хаважагара.
«Немций «Нюрнберг» тоабан 23 футболиста юкъе ва Адам. Укх бетта 27-ча дийнахьа Кердача Зеланде тоабанна духьала ловзаш хургба уж, 30-ча дийнахьа Кабо-Верде тоабанца вӏашагӏкхетаргба.
Тайп-тайпарча футбольни конфедерацешкара тоабаш я къовсаме дакъа лоацаш. Финлянде тобанца ловзаш хургья Чиле вӏашагӏтеха команда а»,- йоах тхога бенача хоамо. Белгалде деза, вай мехкахочо ше лакха говзал йола футболист волга дӏагойталга. 5 ловзара юкъе дакъа лоацаш хиннав из, дикка белгалвоалаш, бургац чуяьккхар Литверча футболистий наӏарашка.
«Ше дикка дӏавовзийта аьттув ба вай мехкахочун цу яхье. Толам болаш хилда цун ловзар», - аьлар футболах йолча моттигерча Федераце президента.
