«Ангушта» юкъера дӏавахар ши футболист
«Ангушт» яхача Гӏалгӏайчен клубера шиъ футболист дӏавахар. Цу цӏихезача тоабаца хургвац хӏанзчул тӏехьагӏа керттера защитник Эккажанаькъан Ахьмад, аьрда оагӏон защитник Денилханов Мурсалин.
26 шу даьнна Эккажанаькъан Ахьмад дакъа лоацаш хилар «Ангушта» 29 ловзара юкъе, цо чутехар цхьа бургац.
Футболиста профессиональни никъ аттачарех бацар. 2024 шера кӏимарса бутт чакхбоалаш цун кога го дикка чов хулаш лозабир Ростова «Гӏишлонхо» яхача тоаба духьала ловзаш, из бахьан долаш юхейисача хана ловзаш хиланзар из. 12 бетта дарба де дезаш хилар Ахьмад дикка меттаоттара. Шоллагӏча лиге ловзале хьалха из массехк шера «Ангуштаца», «ИнгГУ» ФК ловзаш хилар.
Тоаба юкъера араваьнна шоллагӏа футболист Денилханов Мурсалин- «Ангушта» ӏан заман чухьа юкъевенавар, из кхоаванзар лаьрххӏа долча ловзарашка дакъа лаца. Иштта дале а, футболиста Хьалхарча лиге 10 ловзар хиннад. Хьалхагӏа из ловзаш вар «Ахмат», «Велес», «Волга Ульяновск», «Нарт» яхача футбола клубашка.
«Ангушто» баркал аьлар шийца уж хиларах, дӏахо цар болх даькъала а бийцар.
