Луганске, Донецке бахача наха хӏамаш гулъяр кхайкадаьд мехкарча ЛДПР оагӏоно
Луганске, Донецке бахача наха, иштта тӏема операцена юкъе болча бӏухошта цхьацца хӏамаш гулъяра мехкахой тӏахьехаш ба республикерча ЛДПР оагӏон доакъашхой. Дукха ца говш, царна эшаш йола хӏамаш ийца машинаш гӏоргья цига. Цу юкъе хургба ханахьа талхаш боаца кхача, хӏара дийнахьа эшаш йола хӏамаш, барзкъаш, молхаш, иштта кхыдараш. Хьинардараш, парте доакъашхой ба, из болх хьаллаьца дӏахьош. Вай мехкарча бахархошка кхайкарал ду цу гӏулакха юкъе дакъа лацар дехаш.
«Россе исторически моттигашка бахаш болча наха гӏо дар, тӏема аренашка лелача бӏухой оагӏув хьаллацар вай массане юкъара декхар да. Халача хьале эттарашта новкъостал де хьажар чӏоагӏа лоархӏаме да тахан», - белгалдир ЛДПР депутата Къоастой Ӏумара.
ЛНР, ДНР бахархой ханахьа ха кхоачалуш боаца кхача, дӏайха барзкъаш, молхаш, иштта хӏара дийнахьа эшаш йола цхьацца хӏамаш езаш ба. Хӏамаш хьая йиш я ЛДПР моттигерча укх адресах: Магас, Заьзганаькъан Идриса цӏерах проспект, № 50. Парте керттерча оагӏон тӏа белгалдеш хургда цу гӏулакхах дола хоамаш.
