ИнгГУ дешаш болча доазол арахьарча студенташта; терроризм, экстремизм яхача зуламах дийцар
Терроризм, экстремизм яхача доккхача, бӏехача зулама духьала къовсам лоаттабара кхетаче дӏахьош хилар; вай мехкарча паччахьалкхен университета доазол арахьарча студенташца. Университетерча администраце йоаржаяь кхетаче яр из, дуккханеша хьаллоацаш.
«Терроризм, экстремизм яхача бӏехача вонах мишта лоравала веза, цхьа моллагӏа цу оагӏонцара тешаме ца хета хӏама теркалдича; эггара хьалха хьанна, мичахьа тӏаваха веза, хьанга хоам бе беза хьалхадаьккхар студенташта.
Интернета оагӏонашка гӏолла къонабараш тувлбе, цу бӏехача хӏаман юкъе чуоза гӏертарашца цхьаккха тайпара бувзаме вала, цар дувцар хьаэца йиш йоацилгах дийцар цига», - йоах «Сердалога» цу моттигера бенача хоамо.
Университет тахан тайп-тайпара культураш йола нах вӏашагӏбетталу моттиг я. Цхьоагӏо, барт, машар хьаллацара тӏехьа берригаш уйла цхьанкхеташ хила беза. Иштта йола кхетаченаш университете каст-каста дӏакхухьаш я, къонабараш харцахьарча хӏамах лорабе дагахьа.
