ГӀалгӀайчера Темирханаькъан Ӏийса «Амал дар» яха преми яккха ловш ва
«Даьхен лорабой» ганза гӀалгӀай филиала болхло Темирханаькъан Ӏийса сатувсаш ва «Амал дар» яхача ӀӀӀ Ерригроссийски доал деча даькъ тӀара преми шийна яларга, яхаш, дийцар «Сердало» газетага паччахьалкхен урхаллен зарбан болх лелабераша.
«ДӀадахача оршот дийнахьа «Госуслуги» портала тӀа кхадж тессар «Амал дар» яха совгӀат доагӀараш хоржаш. Из бокъо яккхара тӀехьа яхьеяьннай 110 проект, уж хьахержай 63 эзар долча дехарашта юкъера. 11 даькъ тӀа ба итт дикагӀа бола болх. Вай мехкахо, «Даьхен лорабой» ганза вахара болх лелабу Темирханаькъан Ӏийса ши проект гойташ ва цига- «Даьхен бӀухой дезал хьаллацар» яха проект чуйоагӀаш я « Дезалера хьал тоадар - паччахьалкхен декхар» яхача даькъа; «Хургдолчун турпала никъ» яха цун шоллагӀа йола проект чуйоагӀаш я «Хургдолча ноахала йоккха тӀехьале» яхача даькъа», - аьлар тхога хоам баьчо.
Ӏийсайна, цо ший болх дика дӀабахьарах делар «ГӀулакх дар» яха преми йоагӀаш хилара диплом. Бекарга бетта 6-ча денга кхачалехь, котбаьннараш хоржаргба, кхадж тоссаш. Котбаьннарашта совгӀаташ лургда бекарга бетта 21-ча дийнахьа «ЗӀАМИГА ДАЬХЕ - РОССЕ НИЗ» яхача 3-ча Ерригроссийски кхетаченна чудоагӀаш. Белгалду, из преми могаяьр Путин Владимир ва, хӀаьта кхетаче дӀахьор я РФ моттигера дегӀаахара Ерригроссийски ассоциаци (ВАРМСУ), РФ Президента Ассоциаце хьал а лоацаш.
