«Вайна доккха цӀай да гӀалгӀай паччахьалкхен 100 шу дизара ди белгалдеш хилар. ЛоархӀаме да, ер ди Российски Федераце Президента лаьрххӀача пурамца дӀахьош хилар а. Тахан вай боккхача мехка атта йоаца ханаш латтар аьнна доацаш, Украине дӀахьош лаьрхӀа йола операци хиларга хьежжа доацаш, цо 2023 шера оагӀой бетта 8-ча дийнахьа Амара кулг яздир, гӀалгӀай паччахьалкхен 100 шу дизара цӀай дездарца дувзаденна», - аьлар цо.

Къоастой Ӏийсас белагалдир, лаьрххӀа йола операци дӀахьош, ГӏалгӀайчен кхаьвикалах Россе турпалхой хьахилар, тӀема мугӀарашка даьхача толамех. Цул совгӀа, дукхача бӀухоша тӀема совгӀаташ даьхад цига.

«ГӏалгӀайчен къоаной а ветераний а цӀерагӀа баркал оал аз укхаза баьхкача  хьаьшашта, вошал долча къамашта, цар иштта укхаза дакъа лоацаш хиларах, хоза ловцаш дахарах», - аьлар Къоастой Ӏийсас.