Украинера цхьаькха тутмакх цӀавенав вайцига
Ардара бетта 18-ча дийнахьа, российско-украински доазон тӀа есарал бига хинна бӀухой дӀа-юха хувцаш хилар, цу тайпара ший мехка вера ГӀалгӀайчен бӀухо, яхаш, дийцар «Сердало» газетага ГӀалгӀай Республикан УПЧ зарбан болх лелабераша.
«Оаха, дика хеташ, хоам бу, вай мехкахо цӀаварах!» - аьлар ГӀалгӀайчен сага бокъонех волча викала хоамий-аналитически центре.
ХьалхагӀа бӀухочун гаргара нах, ГӀалгӀайчен сага бокъонех викал волча баха хилар, из цӀавоалавара новкъостал дехаш.
«Из дехар кхоачашде таро хилар Российски Федераце сага бокъонех йолча Москалькова Татьянас, иштта Россе Герзашцарча Низий Министерствос къахьегарах», - аьлар ГӀалгӀай Республикан сага бокъонех долча даькъа хоамий-аналитически центре.
Шинна оагӀорахьара, шоайла дагабувлаш, дукха къахьийгачул тӀехьагӀа, вӀаштӀехьдаьлар Россе бахархой кхарамзле лораеш, юха цӀенах тоха.
ХӀанз укх сахьате, мукъабаьха российски бӀухой Беларуссе доазон тӀа ба, царна цига эшаш дола психологически, лорий новкъостал лоаттаду. Кастлуш уж Российски Федераце хьабоалабергба, Герзашцарча Низий Министерствон дарбанчешка.
