Наьсарен мэрага 20 дехар кхаьчад
02.12.2024 10:55
Наьсарен мэрага Оздой Русланага вахара бувзамашка гӀолла 28 дехар кхаьчад. Администраце зарбан болх лелабераша яхачох, царех цхьадараш дика кхоачаш а даьд.
Цу тайпара, лесхоза юхера светофор ӀоегӀар, кхыяраш а массаза санна болх беш я. Цул совгӀа, Базорканаькъан проспектах, Беканаькъан урамах коммунальни гӀулакха болх дӀабихьар. КӀоагаш дӀакъовлаш хилар Ӏарчакханаькъан урам тӀа, иштта кхыча урамашка а уж балхаш дӀахьоргда хьатӀадоагӀача кӀира. Осканаькъан, Центральни, Ӏарчакханаькъан урамашка, ер шу чакхдалале, сердал хургья.
Цхьадола хаттараш кердача шерга даьхад, цу юкъе да Моашхой урамах асфальт биллар, автовокзал йолчара Московски урам тӀара Сбербанк йолча кхаччалца сердал хилийтар. Уж дерригаш а дувцаргда шахьара совета заседане.
