ГӀалгӀай къаман
юкъара газет

Кердадараш

ГIалгIайчен Iаьдалга кхаьчай 2021- ча шера хьалхарча квартале 1,5 эзар заявлени

За первые три месяца текущего года в Управление по рассмотрению обращений граждан Администрации Главы и Правительства Республики Ингушетия поступило более 1,5 тысячи обращений. Об этом на пленарном заседании под председательством премьер-министра Владимира Сластенина сообщил начальник структуры Исраил Мислауров, информировали газету «Сердало» в пресс-службе Главы региона.

Доклад еш хинначо белгалдир юкъара хьаийцача наха даь кхайкарал хьалхарча квартале Управлене − 1847, цу юкъе 525 йоазонца даь кхайкарал, иштта 1322 кхы йола заявленеш цу юкъе кхы дола хоамаш а долаш социальни сетешка гIолла. Отчёт дIахьоча юкъа дукхагIча даькъе кхайкарал даьд социальни оагIорахьара − 161 (3I%): унахцIенон учрежденей болх, дешара, Iилма, культура хаттараш, бахархой балха моттиг ца хилара хьаькъе дола хаттараш.

ШоллагIча аргIах латт наьха вахара-коммунальни оагIорахьара кхайкарал-123(24%). КхоалагIча даькъе латт социально-экономически дегIадоаладара хаттараш − 85 (18%): из юрташкара вахара хьал аттача даккхар, цIеношта гонахьа моттиг чуластаяр, социальни хьал дегIадоаладар, наькъаш хьалдар, газ чуйиллар, наькъаш Iодахкар, юрташка хий чудиллар, дIахо гонахьара Iалам лорадара Iалашо яр.

Спискашта юкъе латт вахара хьал тоадар (20 е 4%) цу юкъе кхыдола хьалаш а долаш (81 е 16%). Цу юкъе къаьнарча цIеношкара аравалар а дехаш иштта даьй-ноаной боацаш диссача берашта ваха моттиг ехаш, къонача дезала яхача программах.

Мисловранаькъан Исраьила иштта тIехьар тIа хоам бир цхьацца вахаре наха юкъе нийслуш дола халахетарех лаьца кхайкарал деш йола моттигаш а я аьнна. «Инцидент-менеджмент» программах баьча балхаха а дийцар. Кеттера хаттараш юкъе а лоацаш, юкъе нийслуш дола кхоачамбоацараш дIадахара аьнна беш болх ба из, цу юкъе наьха лоткъамашка, хаттарашка, баркал оалаш наха яздечунга а хьож, — аьлар цо.

«Дешарца» дувзаденна хаттараш эггара хьалхарча боарам тIа латт кхыча кхайкаралга а язъяьча заявленега а хьежача − 166. Цу юкъе доагIа бераш деша дахар а, берий бешамашка уж дIачуэцар а, школашка хьал тоадар а хьехархошта алпи тIатохар а хаттараш. ШоллагIча моттиге латт «ЖКХ» хаттараш − 135. КхоалагIча моттиге латт наькъаш тоадар. ДиълагIча моттиге латт наьха хьашташ кхоачашдара наха социальни Iалашо яра хаттараш − 56 да цу тайпара хоамаш.

Уж кхоачашдара юкъе нийслуш дола кхоачамбоацараш а да.

«ДукхагIча даькъе бахархоша шоаш хоам беча хана шоай цIии тайпан цIии е ваха моттиг белгалъяц, къайлагIа яздеш дола йоазув а нийслу. Цунца цхьана цу тайпара даьча кхайкарало хьагойт дукхагIа дола хаттараш боккъонцахьа дий хьажа везаш долга. Нагахьа санна йоазон тIа доацаш из нийсделча законо дIадеххача бесса болх дIабахьа таро хилац», -аьлар Мисловранаькъан Исраьила, иштта мехкахошка кхайкарал дир шоаш яздер каьхата тIа хилийта Российски Федераце гражданий хьашташ кхоачашдара бола болх Управлене нийсса дIахьоргболаш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде