Мехкада: Вайна массанена дагалатташ, вай баркал оалаш дола ди да из
Вовзаш воацача бӏухочун Ди дездеш бар ерригача Россе. Даьхен хӏама лорадеш лаьттача, шоай вахар цун сийле лораеш ӏодилларий Ди да из. Мехкадас белгалдир, цу наьха цӏераш йовзаш еце а, цар гойта денал, майрал мехка цӏаккха а дицдергдоацилга. Вай дегашка массахана баха безаш бола нах ба уж!
«Вайна массанена дагалатташ, вай баркал кхайкадеш дола ди да из. Вай даьша, цар даьша, иштта царел хьалха лаьттараша дӏабихьа бирса, хала никъ ба из. Моастагӏа вохавеш, шоай Даьхе, дезалаш, вай кхоане лораеш лаьттаб уж майра салтий», - аьлар республикан Кулгалхочо.
Тӏемах лаьца долча истореца бувзам болаш ба вай хӏара дезал. Яхь йолаш, деналца духьаллаьттача, кагирхошта масал долча къаман биззача къонгех дувцаш, хьалкхеяьй тӏехье.
«Тӏема бакъдола истори лорадар, берашта зӏамига долча хана денз из хьалхадахар, вай даьй турпала наькъаш, гӏулакхаш царна довзийтар массане юкъара декхар да», - тӏатехар Келаматанаькъан Махьмуд-ӏаьлас.
