Гӏалгӏай мехкара викалаш безаме тӏаийцар Казане
Вай мехкара викалаш чӏоагӏа безаме, хоза тӏаэцаш хилар Казань. Из хоам «Сердалога» цу моттигера бир.
«Татрий Республикерча Паччахьалкхен комитете вай журналисташ, блогераш тӏаэцаш кхетаче дӏайихьар. «Татрий оагӏув» яхача археологически музейгара дӏадоладелар из шахьар йовзар. Моттигаш йовзийташ хьалхаяьнна лелача Николюк Янас дийцар цу моттига кӏоаргача исторех, иштта кхыдарех а.
Иштта вай мехкахошта яйзар «Казан» яха дезала оагӏонцара моттиг. Гидо дийцачох, цига керда дезалаш хьахул, иштта 40 шера цхьана бахаш хьабоагӏача дезалашта лаьрхӏа кхетаченаш дӏакхухь; кхыйолча ЗАГСашка хьежача, мар-сесаг дӏа-юха къоастадеш дола гӏулакх чакхдаккхац цига», - дийцар тхога.
«Казань тамашийна, хоза шахьар я. Вайна юкъера бувзам, барт чӏоагӏбеш хилар тхо цига дахар. Гӏалгӏай туристаша хьаллоацаш дӏахьоргда аьнна хет из дӏахо», - дийцар тхога наькъахой цу тайпара моттигаш вӏашагӏйохкаш къахьегача Гӏулой Жанетас.
