Свияжск гӏайре-шахьар йолча хилар Гӏалгӏайчен викалаш
Цхьаькха цхьан моттиге, Дерригача дунен ЮНЕСКО тӏехьале йолча баха хилар Гӏалгӏайчен пресс-наькъа доакъашхой.
Тахан таро хилар Свияжск яхача гӏайрен тӏа-шахьар тӏа баха, цун истори хьадолалу 16-ча бӏаьшерера, яхаш, дийцар «Сердало» газетага цу моттиге.
Довзара къамаьл хилар журналистий Паччахьалкхен историко-архитектурни, исбахьален музея заповедника болхлочунца Муртазин Тимураца. Хьалхара гойташ яр Россе археологе тохкамаш дӏахьош кораяь хинна дахчан шахьар. Мехка кхы дац иштта дукха гучадаьнна тохкамаш.
Музея болхлоша терко тӏаяхийтар пхе оагӏонна. Гойтама зале я Къаьнара шахьар, шахьар бӏарагагуш йола моттиг, гӏишлон технологе галерея, иштта хьалха вахаре леладаь хӏамай гойтам.
Белгалду, музее археолога, рестовратора балхаш гуш хилар, уж наггахьа мара нийслуц культуран моттигашка.
Аргӏанара моттиг хилар Свияжска Богородица-Успенски маӏача наьха музее. Таханарча кераста дина Казански епархе киназ да Свияжска гӏайрен тӏа. Экскурси дӏахьош хинначо наха довзийтар из дина урхалле хьакхелла хилар архимандрита Германа (Садырев-Полевойс) 1555 шера.
ӏилманхой тахан а цецбоахаш да юххьанца из киназ кхерах хьалдаь хилар, цу ханашка дукхагӏъяраш дахчах яь хиларга хьежжа доацаш.
