Хих лорабала безилга дийцар кадеташта
19.05.2025 09:18
Мехкарча кадетски корпуса дешархошца, хин моттигашка лораде дезарех дувцаш, кхетаче дIахьош хилар МЧС болхлой, ПСО «Аьрзе» доакъашхошца, иштта цига дакъа лоацаш бар республикерча хатар хиннача моттиге сиха оарцагIъухача оагIон къахьегамхой.
«Сердалога» из хоам бир МЧС зарбан болх лелабераша. Болхлоша курсанташта хьалхадаьккхар хи чу малагIа тайпара дагадоацараш нийсдала тарлу, иштта хIама хилча фу де деза.
Хин моттигашка лорае езаш йолча бокъонех дийцар курсанташта, иштта дIагойтар, цIаьхха саг хи чу водаш хатар хуле, цунна малагIча тайпара гIо де деза, ишттача моттигашка сиха оарцагIъухараша леладераш фу гIирсаш да.
Кхетаче йистейоалаш, из деррига хьалхадоаккхаш дола каьхаташ дIадийкъар курсанташта.
