Москве дӀахьоча «ЦаӀ йолча Россе» съезде ва вай мехка Кулгалхо
ГӏалгӀайчен викалаш, шоашта керте мехка Кулгалхо, парте лакхерча совета доакъашхо Келаматанаькъан Махьмуд-Ӏаьла волаш, дакъа лоацаш ба «ЦаӀ йолча Россе» Ерригроссийски политически парте ХХӀ съезде. Из дӀахьу Москверча Къамий «Росси» яхача центре.
Цу съезда бахаб вай мехкара «ЦаӀ йола Росси» парте доакъашхой, Халкъа Гуллама, шахьара советий, доал деча моттигашкара депутаташ, моттигерча отделеней, парте юххьанцарча отделеней секретараш.
Единороссаша дувцаргда шера баьча балхах, хьатӀайоагӀача хана де дезачох, иштта хьожаргба Халкъа программанна юкъедоаладаьча кердадарашка.
ДукхагӀа дола съезда дакъа хетадаь да халкъа программанна юкъе хувцамаш дара. Уж дувзаденнад, РФ Федеральни Гулламга Президента даьча кхайралца, иштта 2030, 2036 шерашка кхаччалца къаман хьашташ дегӀадоаладара долча маьтсела бетта амарца.
