«Ше доал деча Паччахьалкхен гӀулакхаш лакхача боараме лорадеш, ший болх бизза дӀахьош вола политик ва из. Вай мехка низ чӀоагӀбеш, цун хӀама тоадеш, сийрда кхоане хилийтара тӀехьа къахьегаш, латташ саг ва РФ Президент. Цо тахан боккхача мехка даьраш дукха да, мехкарча бахархоех дог лазаш вола Президент ва из», - белгалдир вай Мехкадас.

Мехка кулгалхочо теркалдир, Путина шийна хьатӀаийцар доккха декхар долга, из цун тахан дизза кхоачашде низ болга. Келаматанаькъан Махьмуд-Ӏаьлас белгалдир, мехка бахархой шоашта хьалха латтача сага сий деш, цун тӀехьа болаш, оагӀув хьаллоацаш дӀабаха безилга. Иштта мехка кулгалхочо хьоахадир, Президентацара лерхӀам Россе бахархошта юкъе дикка айбеннилга, чӀоагӀбеннилга.

«Дерригача гӀалгӀай къамангара даькъалавувц аз Путин Владимир! Могаш, маьрша волаш, дуккхача шерашка вай боккхача мехка гӀулакхаш лорадеш, вахалва из! - тӀатехар вай Мехкадас. Россе Президент волча юкъа, хӀанз 21-гӀа ше ваь ди дездеш ва Путин Владимир. Массадолча шерашка санна, ший балха тӀа волаш, ваь ди дездеш хургва из.