Сластенин премьер-министр оттаварах, хьоахадир Мехкадас
10.09.2024 14:08
Стастенин Владимир республикан премьер-министр оттаварах хьоахадир вай Мехкадас Келаматанаькъан Махьмуд-Ӏаьлас. Халкъа Гулламо «Интерфаксага» баьча хоамах, хьатӀадоагӀача ерача дийнахьа Парламенте дӀаяхьа лерхӀача кхетаче дувца оттадергда из дош.
2020-ча шера Ӏан шоллагӀча бетта 22-ча дийнахьа, ГӀалгӀайчен Паччахьалкхен кулгалхочун хьалхара гӀонча волаш, дӀаболабир Сластенин Владимира ший къахьегама никъ. Йоккха юкъ ялалехь, бӀаьстан хьалхарча бетта Паччахьалкхен кулгалде оттавир из.
Укх бетта 8-ча дийнахьа кхы а пхе шера мехка кулгалде хержар Келаматанаькъан Махьмуд-Ӏаьла Халкъа Гулламо. Таханарча балха тӀа лоархӀаме гӀа боаккх, керда хувцамаш юкъедоаладу Мехкадас Паччахьалкхе балхах мукъаялийтарца.
