Мехкада: Россе низ - цун культурай а меттай а башхалонца
РФ Президента Путин Владимира чӀоагӀонца юкъедаьккха къамий меттай Ди дездеш хилар Росси. Из ди лаьрххӀа къоастадаь да - цу дийнахьа малхаваьннав цӀихеза поэт Гамзатов Расул. Вай мехкада Келаматанаькъан Махьмуд-Ӏаьла цу Ден тӀатайжа йистхилар мехкахошка. Республикан кулгалхочо белгалдир, культураца дувзаденнараш лорадар, хьаллацар мехка хоалуш айлуш латтилга.
«Вай паччахьалкхено Россе къамашта шоай мотт, культура, Ӏадаташ лорадара тӀехьа гӀо ду. Цунга хьежжа, таханара къамий меттай Ди дездар а вай гӀалгӀай къаманна лоархӀаме да», - аьлар Мехкадас. Республикан кулгалхочо теркалдир, мотт къамаьл дӀа-хьа де эшарал совгӀа, къаман культура, юхь, Ӏадаташ, оамалаш хьаллаца, лорае безилга.
Тахан вай кхетадеш да, Россе низ цун къамий йӀаьхий йолча культураца, Ӏадаташца болга», - аьлар мехкадас.
Юкъедаьккха керда цӀай боккхача мехкарча къамашта юкъера барт, бувзам чӀоагӀбеш хургхиларах дог тийша ба мехкара нах.
