Мехкада: Коазой Ӏийсай кхоллама балхаш Даьхенцарча безамах дизза да
13.08.2025 09:21
87 шу даларца даькъалавийцар мехкадас Келаматанаькъан Махьмуд-Ӏаьлас вай къаман цӀихеза, воккха йоазонхо, байтанча вола Коазой Ӏийса. Ший къамаьла юкъе республикан кулгалхочо белгалдир, Коазой Ӏийсай балхаш Даьхенцара безам гойташ, къаман вахаре мел хинна лоархӀамедараш, доккха истори довзийташ долга.
«Цо мел кхеллар ший лаьттанцара безам гойташ, къаман истори, цун мотт, культура кӀоаргга довзалга белгалдеш да. Массехк ноахал ураэттад цун говзамеча йоазонашка гӀолла; автора доккха баркал оалаш, из лоархӀаш», - белгалдир вай Мехкадас.
Республикан кулгалхочо доккха баркал кхайкадир Коазой Ӏийсайна гӀалгӀай къаман литературе, цун селханарча вахара истори лорадарах, кхоаненга бодача кхоллама новкъа хьинаре къахьегарах.
