Мехкада: Хьалхашка - чӏоагӏа машар, иштта дохаргдоаца Россе халкъий вошал
Тахан Россе белгалъю лоархӏаме ха - Донецка, Луганска Халкъа Республикаш, иштта Запорожски, Херсонски областаш вай мехках хьакхийтта Ди. 2022 шера тов бетта 30 дийнахьа цу моттигий бахархоша лаьрхӏар Россех хьакхета.
Гӏалгӏайчен Кулгалхочо Келаматанаькъан Махьмуд-ӏаьлас белгалдаьча беса, наьха безам хилар шоай дин, мотт, культура, истори лораде, уж бар Украинерча ӏаьдала оагӏорахьарча кхерама кӏалбиса.
«Россе Президента Путин Владимира лаьрхӏар из ди календара тӏа лоархӏаме денах цаӏ хилийта, Паччахьалкхен Думо из хьаллаьцар - из хьалхарча аргӏагӏа наьха лоӏам теркалбеш хилар, иштта исторически даькъ тӏа хулаш дола хувцамаш тӏаэцар дар, цо хьагойт вай мехка керда цхьоагӏо хилар», - аьлар республикан Кулгалхочо.
Ший бувзама оагӏонашка цо иштта тӏатехар, маьрша бахаш бола нах хьаллацара, цар кхерамзле лораяра лаьрххӏа йола тӏема операци дӏайолаяь хилар.
«Со тешаш ва, хьалхашка кхы а чӏоагӏагӏа бола машар, иштта дохаргдоаца халкъий вошал да», - аьлар мехка Кулгалхочо.
