Республикерча ЦССИ ФСО кердача кулгалхочунца, кхетаче дӀайихьар вай Мехкадас
Кхерамзлен хьал лорадарах болча федеральни балха (ФСО), Къаьстта болча бувзамах, хоамех йолча моттига (ЦССИ) кулгалде оттаваьча Жданов Сергейца кхетаче дӀайихьар вай Мехкадас Келаматанаькъан Махьмуд-Ӏаьлас. Из хоам «Сердалога» бир Мехкадаь зарбан болх лелабераша.
Иштта, дӀа-хьа бовзийташ йолча кхетаче дакъа лоацаш вар Россе СКФО къаьстта болча бувзамах, хоамех болча оагӀон хьалха латташ вола Алхасов Халидбег.
«Тахан геттара лоархӀаме да, кхерамзлен хьал, хоамашца бувзабенна оагӀув лакхача боараме лорабар, - белгалдир вай Мехкадас - Кхерамзлен гӀулакхах йолча федеральни моттига болх мел бехктокхаме ба ховш, лоархӀ оаха. Кердача республикерча кулгалхочунца массахана бувзам болаш, боаггӀача боараме дӀагӀоргба аьнна хет вай болх».
Хоамашцарча оагӀон болх тӀехдика дӀабодаш хила безилгах, иштта цу оагӀонцарча лоархӀамедарех дийцар Мехкадаси Жданов Сергейси.
«Цхьана болх дӀахьош, мехкара кхерамзлен хьал, иштта кхыдараш хила деззача беса хилийта вӀаштӀехьадаргхиларах дог тийша ва со!» - аьлар Мехкадас кердача моттиге аьттув болаш къахьега Жданов Сергей даькъала вувцаш.
