Къаман проекташцара бартчӏоагӏам 97% гаргга баьб карарча хана
Къаман проекташка гӏолла болх дӏакхахьар карарча хана 96,7%-га кхоачаш латт мехка, кассови гӏулакх- 68%. Из хоам бу «Сердалога» мехкадаь зарбан болх лелабераша. Цул совгӏа, Россе Минфина белгалдечох, ялх проектацара кассови гӏулакх Россе юкъерча боарамал лакхагӏа латт вайцига.
Боккха болх чакхбаьккхаб «Экологи», «Пайда беш йола дика экономик» яхача проекташка гӏолла. Иштта дика толам гойташ я «Кагирхойи бераши» ( 76,6%), «Дӏаьха, хьинаре вахар»(62,4%) яха проекташ, иштта кхыяраш а. Вай мехкадас Келаматанаькъан Махьмуд-ӏаьлас белгалдир; «Кагирхойи бераши» яхача къаман проектага гӏолла йоаржаеш йолча «Профессионалитет» яхача федеральни проекта къаьстта йоккха терко лоаттаелга.
«Гӏишлошъяра балхех йолча министерствос, дешареи ӏилмани гӏулакхех йолча министерствос хьаллоацаш, регионерча экономике эггара эшаш бола, махкдаьтта-газа оагӏонца къахьегаргдола говзанчаш кийчбергбола дешара моттиг вӏашагӏйоллаш ба мехка», - аьлар республикан кулгалхочо.
