Илдарха-Гӏалий тӏа бахархой тӏаэцаш хилар, «Даьхен лорабой» яхача ганза болхло
«Даьхен лорабой» яхача ганза болхло вола Темарханаькъан ӏийса Илдарха-Гӏалий тӏа тӏема операце доакъашхошца, цар дезалашца кхетаче дӏахьош хилар. Шоашта къувлаш долча цхьацца хаттарашта, тохкам бе аьттув баьлар наьха. Къаьстта терко йир кхетаче бӏухошта ӏаьдалгара хьадоагӏаш долча хӏаман, лорашка чакхбалара, иштта балха отташ гӏо дара.
«СВО ветеран волча Евкуранаькъан Ислама дехар дир, ший бераш «Оаздик» яхача Жӏайрахьарча лагере салаӏа дахийта гӏо де шийна, аьнна. Тӏема операце доакъашхо волча Оздой ӏийсайна дезар, ший нана курорте йохийташ, ганза болхлоша новкъостал дар. ЖКХ оагӏонца дувзаденна дар Чаненаькъан Хаважа дехар. Темарханаькъан ӏийсас белгалдир, бӏухой, цар цӏагӏарча наьха хӏара дехарга гӏолла болх дӏахьоргхилар, низ дӏакхоачаш дола гӏо деш, хӏаранега хьожаргба шоаш, аьнна», - йоах «Сердалога» «Даьхен лорабой» яхача ганзера бенача хоамо.
Цхьаццадолча гӏулакхий йист яккха аьттув баьлар цу дийнахьа, нахаца къамаьл деш; хӏаьта цхьадолча дехарех тохкама болх дӏахьоргба, гаьна ца доалийташ.
