ӏаьдала болхлошта дукха хӏама довзийташ хилар тохкамхочун лекци
Арахьарча тохкама полковник хиннача Вавилова Еленай лекци ӏаьдала болхлошта дукха хӏама довзийташ, кердадоаккхаш хилар. «Кхетам. Паччахьалкхе» яхача проектага гӏолла дӏахьош болх бар из. «Сердалога» из хоам бера кагирхой гӏулакхех йолча Комитета керттера болхло йолча Гӏулой Аминайгара.
«Вай мехкара 200 совгӏа ӏаьдала болхло вар цу кхетаче гулвеннар. Арахьарча тохкама полковник йолаш къахьийгача Вавилова Еленас дийцар, малагӏча тайпара хила беза Даьхенцара безам 20 шера хьай йоацача цӏераца вахаш, бакъдар къайлакхухьаш дезал ураоттабеш хьо хилча. Тохкамхошта эггара лоархӏамегӏдараш довзийтар цо гулбеннарашта.
Къаьстта терко тӏаяхийтар сага хьалах кхеташ хилара, сага деррига а ше хьадувцаргдолча тайпара бувзам хьаоттабе ховш хилара», - дийцар тха газетага. Еленас дийцачох, цӏен-даьца Безруков Андрейца 20 шера доазол дехьарча мехка баьхаб уж, эггара хьалха Канаде, тӏаккха Франце, США. Шоай да, нана эрсий тохкамхой бий ца ховш хьалкхийнаб цар дезал.
«2010-ча шера дӏалийцар тхо, гӏалатдаларах-м лувцанзар, тийшаболх бир тхона, бакъда тхо гучадаха-м меганзар. Дӏа-хьа хувцам баь, мехка довла аьттув баьлар тха, ӏаьдало боаггӏача боараме болх дӏабихьа», - дийцар Вавилова Еленас.
