Наха лаьрхIа фусамаш хьалъеча толамаш даьхар Магасо
Гӏалгӏайчен столицо Магасо 11-гӏа моттиг дӏалоац хьалъеча гIишлой дукхалга диллача, 2026 шу дӏадоладелча денз, яхаш, дийцар «Сердало» газетага ГӏР Кулгалхочун зарбан болх лелабераша.
Гӏалгӏайчен керттерча доал деча даькъ тӏа хьалъеш йолча гIишлоний боарам кхы тIа 2, 66 кв.м айбеннаб хIара сага. Ерригаш а чуйоагӏараш СКФО ялх шахьар я. Из хоам кийчбаьр я «РИА Новости». Белгалду, цу юкъейоагӏаш хилар 100 шахьар - российски административни центраш, иштта вай мехка йоккхий шахьараш.
«Сога хаьттача, Магас дегӏайоагӏаш хилар цу царна юкъе - из да даим болх дика дӏахьош хилар, шахьара хьал дегӏадоаладеш, гӏишлош хьалъеш. Тхо дӏахо дӏахьош да массанега дӏакхоачаш хургйола фусамаш хьалъяра болх. Из нийсделар республикан Паччахьалкхен болх дика вӏашагӏбелла хиларах, оаха хьаллоацаргда цу тайпара толамаш дахара эшаш дола хьал», - аьлар мехка кулгалхочо Келаматанаькъан Махьмуд-ӏаьлас.
Белгалде деза, республикан столице керда квадратни метраш тӏакхеташ хилар. Цу тайпара дӏадахача шера юкъейоалайир 230 эзар квадратни метр фусамашта лаьрхӏа гӏишлон объекташ, дӏадахача шера хинначунца нийсдича 15% дукхагӏа я 2024 шера хинначул.
Тахан Магаса юкъара доазув хоза кийчдаь латт йоккхача вIаштIардаьча цӏеношца, уж хӏара денна хӏана дац аьнна лакхлуш доагӏа. Дукхагӏа бола нах укхазара фусамаш езаш ба, цун дика дегӏайоагӏаш хилар дӏа а лоархӏаш.
