ГӀалгӀай къаман
юкъара газет

Диъ шу да Келаматанаькъан Махьмуд-Iаьла республикан керте латта

Махмуд-Али Калиматов пришел на должность руководителя Ингушетии, имея за плечами большой опыт практической работы в сфере отстаивания законности и правопорядка. Четыре года назад, 26 июня 2019 года, Президент РФ Владимир Путин назначил его временно исполняющим обязанности Главы республики. Это время пролетело очень быстро, ведь дел сделано много.

Беррига хьакимаш, къахьегамхой, бизнесменаш, лакхача боараме, бехктокхаме шоай болх дIахьош латташ, массахана нийслац... Мехкадаь шоаех хинна тешам боабаьраш а нийсбелар... Цун ма хетта къахьегаш хиланзар цхьаццабараш. Белгалде деза, из хьатIавенача шера денз, мехка хьал дикка тоадеш къахьегараш а хиннилга. Келаматанаькъан Махьмуд-Iаьла хьатIавеначул тIехьагIа, налогехи кхыдарехи вIашагIкхеташ хинна ахча айделар, 2,3 млр кхоачаш. 2019-ча шера 3,2 млр лаьтта из таьрахь 2022-ча шера 7, 3 млр кхоачаш айделар. 11,8 млрд вай республиканна тIалаьтта декхар, 3,4 млрд Iотадоаладир Мехкадаь къахьегамца. Республиканна тIалаьтта 5,8 млрд кредит 1,9 кхоачадир. Боккха болх дIахьош, дукха, хьинаре къахьегарца аттачахьа дерзадир цу мугIарера гIулакхаш. Республикерча дуккхача политикий, экономистий, региона аналитикий сатем боабаь, дуккхача шерашка дIаьхденна дIагIоргда аьнна хийтта из доккха декхар аттачахьа даккхара тIехьа, дикка къахьийгар Мехкадас. Дукха хана денз болх соцабаь лаьтта моттигаш а къахьега йолаелар... Юртбоахаме хьегаш дола къа хьаийцача, дикка толамаш даьхад вай укх тIехьарча диъ шера.

Дикка тоалуш латт мехка туризма хьал. Республике салаIа бахка безам бола хьаьший, хIара шера дукхагIа хулаш латт. Республика керте латтача сага, ший мехка хьал тоаде гIерташ хьега къа зувш да. Воккха хьаким хилча, ший оамалаш ца хувцаш, хьалха ше хиннача беса, нахаца Iимерза, цар халонех кхеташ, хIаранега ладувгIа ловш хилар, мах баь варгвоаца доккха дика да! Наха гIо де дага, дукха беркате проекташ кхеллай республика кулгалхочо. Мел лоархIаме, дика проект я, шоай коа бешамаш лелаеча наха новкъостал де цо юкъеяьккхар. Хам баь варгвоацаш я, хала таро ярашта, байнача полице болхлой дезалашта, тIема доакъашхой гаргарча наха цо еш йола терко. ХьатIавенача дийнахьа денз, мехка эггара хьалхарча юхьанца тоаде дезараш меттадоаладеш латт, РФ Президента тешаме саг ва, аьнна, хержа хьатIавайтача вай Мехкадас. Тахан республике дIахьош я дукха моттигера, къаман проекташ. Келаматанаькъан Махьмуд-Iаьлас мехкара экономически хьал тоадара тIехьа юкъеяьхача цу проекташа, республикера хьал дикка аттачахьа даьккхад. Тахан хьегаш дола къа — вай сийрда кхоане! Укх диъ шера, дукха керда берий бешамаш, ишколаш, культуран цIенош, спорта моттигаш хьайийллай вайцига.

Къаьнара ишколаш тоае юкъеяьккха, лаьрххIа проект я. Дика хувцамаш дукха да мехка! Хьадаь латтараш хам баь варгвоацаш да, хьинаре къахьегаш латт дIахо а, тишденнар тоадеш, сеца латтачунга болх байташ, кердадараш хьакхоллаш. ДIа-хьа хьежача, вайх хIаране зувш дола хувцамаш да уж! Россе регионашта гуш да тахан, гIалгIай мохк хIара денна тоалуш, бIаьхий хулаш, хьалха вIалла а хургдац аьнна хийтта доккхий хувцамаш хулаш, эргабоалаш латтилга. Тахан вайх хIаравар укх мехках доаккхал де йиш йолаш ва! Цу тIа кхоачаде гIерташ, дукха дикаш доаржадеш, хьавоагIа, ше болх беча диъ шера, Келаматанаькъан Махьмуд-Iаьла!

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде