Сийрда цӀай дар ала йиш я, из йоккха аргӀанара проект кхоачашъяь яларах. Из болх вӀашагӀбеллабар республикан кулгалхочо Келаматанаькъан Махьмуд-Ӏаьлас, «САФМАР» тоаба кхеллача мецената Гуцаранаькъан Микаила.

«Дача» яха радио вайна хозаш я 92,2 FM талгӀе тӀа? «Шансон» радио - 96,5 FM.

Радиостанцей керттера декхар да наха дезалуча лоархӀамеча хӀамашца шийга ладувгӀараш вӀашагӀтохар - из да безам, дикал, шоай дезал безаш хилар, гаргара саг лархӀар, шоашта хоза хетача ашарашка ладувгӀар. Гуцаранаькъан Микаил бахьан долаш, моттигерча говзанчех дика тоаба вӀашагӀъеллар, уж хӀанз шоай болх дӀа а болабаь болхаш ба радион сеткага хьежжа къахьегаш, вай мехка бахархой гӀадкхувлаш. Хоамий программай отделаш я, иштта ашарий отделий редактораш, радиостанцешка болх вӀашагӀболлараш, балха моттигаш хьакхоллараш, передачаш араяха кийчъю редактораш, программа кулгалхочун болх дӀахьораш - из деррига дика вӀашагӀделлад.

Радиостанци чуйоагӀаш я КрутойМедиа яхача медиахолдинга, цо лелабу укх 20 шера а радиошкара болх, из Россе эггара йоккхагӀа йола радиохолдинг я, цун керте латт «САФМАР» тоаба президент, меценат Гуцаранаькъан Микаил. Вай мехка ерригача моттигашка я из радиостанци, тешшаме хьалоаца моттигаш - 3.000 совгӀа йолча шахьарашка, иштта Россе а юхерча кхыча паччахьалкхений а мехкашка. Цул совгӀа, радио чу хургдолаш хьакхолла лерхӀ моттигерча хоамий хьалаш, плейлисташ, моттигера иллиалархой а болаш, тӀаккха цох хул эфира 30 процент, цо таро лу гӀалгӀай культура, истори, кхоллам вай республикал арахьа дӀакхачийта.

«Дача», «Шансон» яха шиъ радиостанци хьайийллар оагӀой бутт чакхбоалаш. Ерригача республикаца дикахетар дийкъар цу дийнахьа къаьстта цу гӀулакха юкъе дакъа лаьцараша.

ГӏалгӀайчен кулгалхочо Келаматанаькъан Махьмуд-Ӏаьлас, «САФМАР» тоаба президента Гуцаранаькъан Микаила даьре оаса хоадабеш хьайийллар мехкарча лакха говзал йолча болхлошта къахьега моттигаш, уж ба журналисташ, менеджераш, массаханарча дегӀаахарца, шоай балха моттигаш кердадарашца лакхъярца, хьалхале лелаеча технологешца Ӏалашъяь йола радиостанцеш дӀахохьоргйола нах.

Дешар, дегӀавоагӀаш хилар, дика гӀулакхаш дара тӀакхувш хилар - из сийрдача кхоаненга вугаш бола никъ ба. Из цкъа белгалдаь а Ӏийнавац республикан кулгалхо Келаматанаькъан Махьмуд-Ӏаьла, «САФМАР» тоабан президент Гуцаранаькъан Микаил, СМИ хаттарашта жоп луча хана. Къаьстта тахан вайна хозаш да… Къамаьл ду ГӏалгӀайчера, тӀаккха из да вай республика хозаш йолга.