Ший даьй гӀулакх сий долаш хьадахьар
Даьша леладаьчун тӀехьа къахьегаш ва аьшкапхьар Эсамарзанаькъан Мурад
Вай мехкарча хӀара юрта, шахьаре хургба кулгаговзал йола нах. Ишттача наьха аьттув боалараш дукха хул, хӀаьта цу дерригне бахьан - ше леладер дезаш хилар. Кагирхоша хийла шоай дега вӀалла гарга йоаца професси хорж, духхьал наха товр де аьле; цул тӀехьагӀа, дуккхача шерашка наха хетар лорадеш, из хӀама текхаде дезаш хул. Ма дарра аьлча, шоай вӀалла чам боаца, дега хийра дола хӀама леладеш, дӀахьу цар вахар, кхыдолча хӀаманцара шоай начӀал кӀоаргга дӀаделле.
Бакъда вайна юкъе болаш ба даьша хьадена гӀулакх, Ӏо ца дуллаш, дӀахохьораш. Цу мугӀарерча къахьегамхоех ва аьшкапхьар вола Эсамарзанаькъан Мурад. Цхьан хана кулгаговзал хиннача цун даь даь-дас дӀадоладаь беркате гӀулакх да из, хана йӀоахалца дезало, виӀий дезало, тахан дӀахоболхачар хьаӀомадаь леладеш да.
ахан Мурада кулгаша дукха тайп-тайпара хӀамаш хьакхеллай. 17-18-ча бӀаьшерашка хинна йоккха топ тӀехьа хьае говзал хиннай цун. Цул совгӀа, тахан сапаш хьаду говзал караерзаяь, тайп-тайпара сапаш хьадеш, воалл из. Ший лаборатори йолаш, духхьал ше хьакхелла сапаш да цо арахецараш. ТӀема операцен юкъе дакъа лаца ваха, бӀарчча шин шера ший болх соцабе безаш хилар из. ТӀема аренашка дуккхача бӀухошта дӀавайза, лоархӀаш саг ва вай мехкахо.
Массехказа белгалваьв Мурад тӀема декхараш лакха лоархӀаш хиларах. Цигара цӀавена Мурад ший болх бита лаьрхӀа вац… ЦӀен-наьнаца гӀажаш йолае дагадехад царна укх наькъа. Иштта хьинар, начӀал, говзал йола нах вайна юкъе хилар Даьлагара доккха ниӀмат да. Тайп-тайпара хӀама доаржадеш, низ дӀа ма кхоачча къахьега лаьрхӀа ва мехкахо. Аьттув хилба цун иштта хьинар долаш дӀачакхвала!
