Сага декхар
Республикански шоатта дIадихьар ГIоазот кашамашка
Республиканский субботник прошел сегодня на Мемориальном кладбище «ГIоазот Кашамаш», где нашли свое последнее пристанище безвинные жертвы так называемого осетино-ингушского конфликта — дети, женщины и старики, а также наши бесстрашные сотрудники органов правопорядка, отдавшие свои жизни в борьбе с международным терроризмом. Участниками этой благородной акции стали школьники и студенты, молодежь и люди преклонного возраста. Каждого привело сюда желание почтить светлую память земляков, безвременно покинувших этот мир, и внести свою посильную лепту в благоустройство места, являющегося средоточием неутихающей национальной боли Ингушетии.
Из я цIаккха а хадаргйоацача гIайгIан моттиг, цига боахкача, ха йоацаш, бехк боацаш байнача наьха цIераш мелла ха мара ца яхарах дегашка яхаргья. «Со укхаза венав сайца деша багIача новкъосташца, иштта кхыйолча факультеташкара студенташ ба тхоца. ДIахьош иштта акци я аьнна хезача, юстардиса цхьаккха а бахьан дац вай аьнна, арадаьлар тхо. Из вайх хIара сага декхар да тахан! Бехк боацаш укх лаьттан кIала нийсъбеннача наха хьалхашкара декхар да ер.
Цхьа зIамига гIулакх да-кх ер вай массане хьаллаца дезаш. Геттара дика хет, тахан, укхаза иштта дукха адам гулденна. Се укхаза кхаьча а воккхий веш ва со», — аьлар тхога университете лорий факультета студент волча Оахарганаькъан Османа. Ма дарра аьлча, тахан цу гIоазот кашамашка даьллар бIаргадайна, вIалла а лац сона цу хIамах шоатта ала... Тайп-тайпарча ханашка кхаьча дукха адам гулдаьча цу беркатеча гIулакхах шоатта дар из алар цхьа кIезига а хет сона-м. Гулбеннарашта юкъе зийра аз дукха ха йоачаш дIайихьача, Ерригача Россе сурткхоллам гойташ хиннача конкурсе, вай республикера къаман кхоллама цIа дIахьокхаш хинна цIихеза суртанча Пхьилекъонгий Заур. Ма даггара, йолхьинг хьокхаш, туешта кIалхара моттигаш цIенъеш воаллар из.
«Вайх хIара саг байнарашцара лерхIам лорабеш хила веза! Цу гIулакхо ду вайх нах», — аьлар лоацача интервью цу зIамигача саго. Массе хана дег чу латтаргдолаш гIулакх дар, соца цхьана газете болх беш волча Шамаев Бесланагара аз зийнар а.... Болх йисте баьнна арадовла гулденна Iодоладелар тхо коанаIараш йолчахьа. Беслан тхоашта юкъе воацалга зийна со дIа-хьа хьежача эггара юстара улла цхьа боарз цIенбеш воаллар из. «Сай болх йисте ца баьлча со аравоалалургвац укхазара. Укх сага гаргара нах хьабаьхка, еррига моттигаш лостам баь йолаш, е боарз иштта латташ бIаргабайча хало хургья цар дегашта.
Уж мо дола хIамаш теркал де деза вай, бусалба наха». Тахан са бIаргашта дайна сурт наха юкъера барт-безам хьахьокхаш дар. Цхьа боккха дезал санна берригаш дIаэйтта йокъаенна гаьнаш аракхухьаш, галеш нувхех хьалдузаш, йоархаш хьайоахаш, лостам беш лаьттар берригаш. Тахан цига хиннараш ба а бар цхьа боккхача барт тайнача дезала нах! Ма дега йIовхал тоссаш, дог гIаддугаш сурт дар-кх из! Вай къаман нах массе ханашка а цу мо долча хIаман тIехьа белгал болаш хьабаьхкаб. ВIаши оагIув хьаллацар, ийшача моттиге сиха гуллуш хилар вайх массе хана даьллад. Дика дегаш дола нах дукха ба вайна юкъе! Яхь лораеш хьадена къам да вай дар! Из хьахьокх тахан вайца боацача наьха кхело..... Дала гешт долда байнарех! Дала къахетам болба царех!
