Сайре дӀайолаелар цӀеча наькъ тӀара, еррига кхетаче сийрдайоаккхаш. Хозача, тайп-тайпарча гӀирсашца кийчъяь, даарех тӀехдаха истолаш латта зал, шоаш санна кхы доацача Куштанаькъан Эльмирай сурташ гойташ, хьаьший тӀаозаш яр, безаме из ха дӀахьоргхилар гуш дар.

Цига гулбелар беза хьаьший, цӀихеза бола нах, цо белгалдир кхетаче лоархӀаме хилар. Сайре хьайийллар, из сайре вӀашагӀъеллача, из дика проект дӀаяхьа дагадехача Куштанаькъан Эльмирас ше. Моаршал хоаттача дешашца къамаьл дир хьаьшаша, суртанча йолча Эльмирай кӀоаргга начӀал хилар белгалдеш, иштта культуран тӀехьаленна из эшаш хилар хьалха а доаккхаш.

Сайрен хозагӀа йола оагӀув яр гӀалгӀай эстрада артисташа дакъа лоацаш хинна концерт. Дог ураоттадеш дола гӀалгӀай къаман иллеш, халхараш юкъедахарах таро хилар кӀоаргагӀа йовзийта ГӏалгӀайчен культура. Шоай хьамсарча мехка гаьнабаьнна бахача наха, из сайре боккъонца дола цӀай дар; дегаш дӏохадеш, царна дегагӀоз луш. Хьаьшашта хьалхара яйзар гӀалгӀай ашараш, уж боккхача безамца ладувгӏаш бар цар хозалга.

«GaӀgaӀ лар йита укх дунен тӀа» яха гойтам, начӀал гойта а ца Ӏеш, культуран бувзам чӀоагӀбара баьккха лоархӀаме гӀа бар. Из сайре йицлургйоацаш хилар цига гулбенна хиннача наха, цо хьагойтар, искусствос, юкъе доазонаш доацаш, нах шоайла вӀашагӀтохаш хилар.