Мехкахоша хьалхале лелаеш, ши бутт хьалха вай республике хьакхелла исторецарча дагалоаттамах йола ганз ший болх дикка дӀахьош я. «Ингис» яхача гӀо деш йолча ганзо дийцар «Сердалога» цун аьттув баьннарех, де лерхӀарех.

«Вай мехка санна, арахьа бахаш болча гӀалгӀашта юкъе чӀоагӀа дезаденна тӀаийца хӀама да ганз хьакхоллар. Цу юкъа, лакха начӀал долча суртанчаша, скульптораша, иштта кхыболча болхлоша гӀо деш, ГӀалгӀайчен хьалхарча кулгалхочун Заьзганаькъан Идриса оттадергдолча сийленга бустам боаккхаш хилар ганз», - йоах тхога бенача хоамо.

ШакӀа кхерах хургдолча сийленгацара болх, 2024-ча шерарча Ӏан хьалхарча бетта 1-гӀа ди отталехь, йистебаккха безаш я Карелера уж балхаш деш йола моттиг.

Борза кхоачам юкъебохийташ дола сийленг хьадеш, къахьегаш боахк Ростоверча шин моттига болхлой. (ЦаӀ топпара, шоллагӀдар борза).

Магасерча «Дзурдзуки» яхача доазон тӀа сийленга лаьрхӀа бетона кӀийле хьалъеш боахк «Элит-Строй» яхача гӀишлон балхаш леладеча фирма болхлой.

«ГӀалгӀай паччахьалкхен 100 шу дизар» яхача аллея балхацара каьхаташ кийчдеш, къахьега болабеннаб мехка.

Проект хьаллоацаш, гӀо даьрашта доккха баркал кхайкаду ганзо. Цу юкъе ба Келаматанаькъан Махьмуд-Ӏаьла, Поаланкой А.М. (Москва), БӀарахой Б. А. (Москва), Къоастой И.М., Тоачанаькъан С.Я., Джандиганаькъан З.С., Батхенаькъан А.К., Къоастой М. Д. Из гӀулакх хьаллоацаш гӀо даь юридически оагӀув ба ООО «Консалт», цун кулгалхо ва Хутенаькъан Р.