Ӏаьлий Фатима яьй 1972 шера кӀимарса бетта 11-ча дийнахьа Нохч-ГӏалгӀай АССРа Наьсарен-Шахьаре. ЗӀамига йолаш белгалйоалаш хиннай из бокъонца долча Ӏилман хьаькъала тӀакхувш хиларца. Дешаро чӀоагӀдир цун хьалхашка хургдолчун наӀараш йийлла хилар.

1989 шера Наьсарен юкъера ишкол яьккхачул тӀехьагӀа, хало йоацаш, Нохч-ГӏалгӀайчен паччахьалкхен Л.Н. Толстой цӀерагӀча университете деша дӀаотташ йола экзаменаш дӏалу цо, Фатимайх хилар механико-математически факультета студентка. Математика-программиста диплом хьаийцачул тӀехьагӀа, Ӏаьлий Фатимас хьалхара тешшаме гӀа баьккхар профессиональни лакхъялара новкъа. Ткъаь шера гаргга цо болх бир ГӏалгӀай Республикан ахчан Министерствон аппарата хоамий-аналитически даькъа говзанчангара бухгалтерски учёта, отчёта даькъа кулгалхочунга кхаччалца.

Из яр, кӀаьд а ца луш, профессиональни говзал дегӀакхувлаш хинна ха, ахчан урхаллен даькъ тӀа кӀоаргга ӏилма Ӏомадеш. Цун балхо дӏадехар лакха бехктокхам хилар, дукха хоамаш довзар. Къаьстта студент йолаш цу оагӀонашца бувзам хилар бахьан долаш, цун таро хилар балха лакхаленашка кхача.

Цун боккха къахьегам белгалбир 2012 шера лакхача совгӀаташца- ГӏалгӀай Республикан Паччахьалкхен сийлен грамоташца.

Цу шера Ӏаьлий Фатимас яьккхар РФ Президента чуйоагӀаш йолча (РАНХиГС) паччахьалкхен гӏулакха халкъа боахама Российски академи, паччахьалкхен урхалленцара шийна ховш дар кхы а кӀоаргдеш.

2014 шера наджгоанцхой бетта цун вахаре дӀаболабелар керда никъ- ГӏалгӀай Республике гӀолла йолча Российский Федераце тохкама комитета тохкама урхаллене амал дар. Из тамашийна хеталора иштта дукха ахчан балха даькъ тӀа къахьийгачул тӀехьагӀа. Бакъда, къаьстта укхаза таро хилар Ӏаьлий Фатимай ший дукхача оагӀорахьара йола таронаш хьаелла, цо вӀашагӀтехар финансиста балха говзали, нийсхои, закони. Карарча хана юстице майор Овшанаькъан Фатима бехктокхаме я, ахчан-экономически даькъа инспектор хиларах тарра, тохкама урхаллен ахчан оагӀув Ӏалашъярах.

Дукхача шерашка, лакха балха говзал гойташ къахьегарах; Овшанаькъан Ӏаьлий Фатимайна «Дика къахьегарах» яха ӀӀ-ча лерхӏама майдилг еннай.

Ӏаьлий Фатима кхаь виӏий, цхьан йиӀий ираз дола нана я, иштта даь-нана а я.

Халкъашта юкъера тушола бетта 8-гӀа ди долаш, даькъалаювц Ӏаьлий Фатима; ираз, аьттув хилба хьа! Шун фусаме даим беркат, ираз, делар хилда, дег чу – бӀаьсти!