Келаматанаькъан Махьмуд-Ӏаьлас ше тӀахьожам лоаттабу, цӀи яьннача дезала эшачунга хьожаш
08.11.2024 14:10
ГӏалгӀайчен Кулгалхочо тӀадиллача декхарах, мехка Паччахьалкхен вице-премьер Йовлой Мухьмад вахар, Инаркъе укх деношка цӀи яьннача фусаме. Цига из хатар нийсдаларах кхо саг лозавир, цу юкъе ши бер а долаш. ТӏехьагӀа шаккха бер делар.
Из хатар хиннача моттиге ше волаш, Йовлой Мухьмада аьлар, цу гӀулакха Келаматанаькъан Махьмуд-Ӏаьлас ше тӀахьожам лоаттабу, цу дезала доаггӀаш дола новкъостал дергдолаш.
Цӏи ялара бахьан да, тока саьрг лотабеннаб, из бахьан долаш цӀи тховна дӀатӀаяьннай.
Хӏанз цига човнаш хиннараш, геттара хала болаш, дарбанче ба; лораш шоашта могар деш ба уж берзабе гӀерташ.
