Эккажкъонгий-Юртарча ферме ваха хилар вай Мехкада
Эккажкъонгий-Юрта уллача «СапарӀаланаькъан Мусай Абубакар» яхача фермерски боахаме карарча хана 140 бежан латт. Келаматанаькъан Махьмуд-Ӏаьла ваха хилар цигара болх малагӀча боараме дӀабодаш ба тахка.
СапарӀаланаькъан Абубакара белгалдечох, тахан цар леладераш абердин- ангусски оалача порода доахан да. Мехкадаь зарбан болх лелабераша теркалдечох, къаьстта уж доахан сиха дегӀ дахьаш, дулх чӀоагӀа чаме хулаш да. Таханарча дийнахьа 70 совгӀа бежан дехкад цар.
Шелаллоатторгаш увттаеш, шурийна лаьрхӀа моттиг тоаеш, боахк ферме тахан. Шура хургйолаш шортта доахан хьатӀаэца лерхӀ ферме.
Паччахьалкхенна тӀадиллад, цунна эшаш дола гӀо де, аьнна.
«Хьайбай маша, доахан доаржадеш болх дӀабахьа беза республике. Фермерашта эшаш дола гӀо деш, цар оагӀув хьаллоацаш хила деза вай тахан. Ший боахамера кхоачамбоацараш юстардаха новкъостал де деза СапарӀаланаькъан Абубакара», - белгалдир Мехкадас, фермера хьал дайзачл тӀехьагӀа.
