Келаматанаькъан Махьмуд-Ӏаьлас ГӀалгӀайченах дола ловзар хьадара хетаяь проект хьаллаца лаьрхӀар
20.11.2024 01:02
«Нахацара къамаьл» яха передача дӀахьош, республикан кулгалхочунга Келаматанаькъан Махьмуд-Ӏаьлага хаттар делар компьютерни ловзараш хьадеш йолча компане кулгалхочо Овшанаькъан Хаде. Цо мехка Кулгалхочунна гойтар, лорий хургдолчун технологи юкъе а йоаккхаш, ГӀалгӀайченах дола ловзараш оттадарах йола проект.
Овшанаькъан Хаде дийцар, ше грант хьаийца хиларах, бакъда цу тайпара йоккха проект дӀаяхьара ахча тоъаш дац. Цо мехка Кулгалхочунгара дийхар, гӀо дергдола саг лахар, хӀана аьлча из проект хӀанз 10 меттала таржамаш деш я, кастлуш Steam араяргья из.
Проект хьаллоацаргья ше, аьлар республикан Кулгалхочо. Цо цу хаттарга хьажар тӀадиллар вице-премьер волча Зурабов Ювсапа, моттигерча экономикан министра, иштта кагирхой туризма министра.
