Келаматанаькъан Махьмуд-Ӏаьлан кхетаче хилар СКФО РосӀаламтӀахьожама урхаллен кулгалхочунца
ГӀалгӀайчен Кулгалхочо Келаматанаькъан Махьмуд-Ӏаьлас кхетаче дӀайихьар, дукха ха йоацаш хержача Къилбаседа Кавказа мехкашта юкъерча РосӀаламтӀахьожама урхаллен кулгалхочунца Алдатов Эрикаца.
«Сердало» газетага баьча хоамах, цхьана болх дӀабахьара дола хаттараш дийцар цига, уж доагӀаш дар ГӀалгӀайчен гонахьара Ӏалам лорадара. Цул совгӀа, Келаматанаькъан Махьмуд-Ӏаьлас белгалдир къаьстта терко тӀаяхийта еза хаттараш. Из доагӀаш дар бокъо йоацача моттигашка нувхаш Ӏоаеш хилара.
«Экологе, Ӏалам лорадара хаттар тахан лоархӀамечарех цаӀ да. Цига кердача кулгалхочун теркам тӀабохийташ дийцар гонахьара Ӏалам лорадарах дола хаттараш, цу гӀулакха тӀахьожам лоаттабара даькъ тӀа дӀахо бе безача балхах»,-аьлар ший вахара бувзамашка гӀолла вай мехка Кулгалхочо.
