Базарашкарча моттигий хьал тохкаш ба МЧС болхлой
23.05.2025 11:17
Кхерамзлен хьал лорадара тӀехьа, базарашка хӀама йохкача моттигий хьал малагӀча боараме да тахка арабаьлар МЧС болхлой. Наьсарерча базар тӀа дӀабихьар цар шоай аргӀанара болх селхан. «Сердалога» из хоам бир республикерча Россе МЧС ГУ.
ЦӀи йоаеча эшаш дола гӀирсаш дий, аравала, МЧС машина хьатӀая аьттув болаш никъ бий тохкаш, хилар цӀи яьлча оарцагӀъухараш, иштта хӀама йохкараша шоай болх кхерамзлен хьал лорадеш дӀахьой хьежар. Гучадаьнна кхоачамбоацараш Ӏалаьмате чехка дӀадаха, аьнна, тӀадиллар МЧС.
«Нагахьа, гучадаьнна кхоачамбоацараш, гаьна ца доалийташ, юстарадаьха ца хуле, гӀулакх прокуратуре чулургда, аьнна, хьалхадаьккхар цунна бехкебарашта», - дийцар тха газетага.
