Пешкаш лотае еза ха тӀайоагӀаш хиларах, цӀерах нах лорабеш я МЧС
ЦӀеношка йӏовхал лоаттаеш йола ха тӀайоагӀаш хиларах, ховш ма хиллара, из дӀайолалу ардара бетта 15-ча дийнахьа, МЧСа болхлоша цӀера кхерамзлен Ӏалашо е дагахьа кхетаче дӀайихьар,яхаш, хоам бу «Сердало» газетага ГӏалгӀай Республике гӀолла йолча Россе МЧС ГУ.
Иштта тӀахьожам лоаттабу котельнешта, кхыдолча йӀовхал лоаттаеча гӀирсашта.
«Шоаш из болх дӀахьош, инспектораша керттера теркам тӀабохийт кхаь моттига: цӀи ялара духьалара кечал лерттӀа болх беш дий; нах кӀалхарбаха кийча бий; цӀи йоаеш дола гӀирсаш кхоачам болаш дий.
Котельней болхлошта, кулгалхошта хьалхадаьккхар цӀи яларах лораву бокъонаш тӀайола каьхаташ хила дезилга. Кулгалхошца дӀабихьар цӀера духьала беча балха говзал гойташ, иштта цар хаттарашта жоп луш бола болх», - аьлар хатарашца къовсам лоаттабераша.
