МЧСо ишколашка урокаш чакхйоах, кхерамзле ювцаш
Республикан МЧСо цахаддаш дӀахьу дешара моттигашка кхерамзлен Ӏалашо хила езилга хьалхадоаха болх. Царех я профилактикан урок, цига цӀи ялара кхерамзлен Ӏалашо мишта е еза дийцар. Укх деношка, Магасе уж урокаш хилар «Марем» гимназе 5-7-ча классашка дагӀача берашца, иштта дешара Центре, ГӀалгӀай Республике гӀолла йолча Россе МЧСа, Магас шахьаре гӀолла йолча ОНД, ПР инспектора Батиганаькъан Мовсара кулгал деш, яхаш, дийцар «Сердало» газетага.
Дешархошта хьалхадаьккхар, цӀагӀара арабоалача хана, деррига токаца лелаш дола гӀирсаш дӀадоадаь хила дезилга, нагахьа санна цӀи яьнна моттиг нийслойя, хьалхарча аргӀагӀа де дезар белгал а деш.
«Цу тайпара урокаш оаха массайолча хана еш я. Цига хьалхайоах, ха езаш йола бокъонаш, хьалхарча аргӀагӀа де дезар. Бераша тхога ладувгӀ, дукха хаттараш а ду», - аьлар Батиганаькъан Мовсара.
