Наьсарен-Шахьара мэр ший балхара дӀаваьлар
17.10.2024 11:15
Наьсарен-Шахьара кулгалхочо Йовлой Урусхана лаьрхӀар, ший балха декхараш йоагӀача ханал хьалхагӀа дита. Из дош дийцар шахьара совета аргӀанара йоацача кхетаче, из дӀаяхьа лаьрхӀар Йовлой Урусхан ше вар.
Кхетаче дӀахьош Наьсарен мэра баркал аьлар шийца цхьана болх дӀахьош хиннарашта.
Доал деча даькъ тӀара зарбан болх лелабераша яхачох, Йовлой Урусхан болх беш хиннача пхе шера, 100 млн кредитах дола декхар дӀакъайлад, общежите баьхача наьха дехар кхоачашдаьд, шахьара доалахьа хинна бокъонах доацаш дӀалаьца 20 гектар совгӀа лаьтта юха хьадаьккхад, иштта кхыдола хаттараш а кхоачашдаьд.
Наьсарен кулгалхочун декхараш кхоачашде хьожавир Йовлой Урусхана гӀонча хинна Тутайнаькъан Рамзан.
