Илдарха-Гӏалан мэреи Юкъарлон палатои цхьана бу болх тоабеш латт
Илдарха-Гӏалан Ӏаьдало, ГӏалгӀай Республикан юкъарлон палато цхьана дӀахьош ба болх. Кхетаче дӀахьош, цар дийцар лоархӀаме хаттараш, яхаш, хоам бу «Сердало» газетага администраце зарбан болх лелабераша.
«Доал дара даькъ тӀарча администраце кулгалхочо Дидиганаькъан Ахьмада, Россе Юкъарлон Палата Совета Президиума доакъашхочунца Ӏамарханаькъан Лейлайца, иштта ГӏалгӀай Республикан Юкъарлон палата викалца Мартазанаькъан Мусайца цхьана кхетаче йолаш, лоархӀаме хаттараш дийцар. Шахьар тоаяра проекташ кхоачашъе лаьрхӀад. Иштта цига дийцар бахархошта бакъахьа хета хаттараш кхоачашдарах, моттигера, федеральни, къаман программаш кхоачашъяра юкъарлон тӀахьожам лоаттабарах», - йоах хоамо.
Цу тайпара бувзам лелабара керттердар да; юкъарлон болх лелабераш а къаман хьашташ довзаш, уж кхоачашдеш хилар; цар новкъостал дергда лоархӀаме декхараш вахара юкъедаха, иштта кагирхошта Даьхенцара безам совбоаккхаш кхетам бала.
«Юкъарлон викалаша дукхагӀа терко лоаттаергья бахархой хьашташ кхоачашдара», - аьлар Дидиганаькъан Ахьмада.
