Наьсарен мэри заправкай балхага хьожаш я
31.10.2024 12:44
Наьсаре рейдаш ю администраце комиссе, цунна чубоагӀа прокуратуран, МЧСа, Ростехнадзора, йоал йоахарий, иштта къахьегама инспекце болхлой.
Ардара бутт дӀаболабелча денз, комиссе доакъашхой хьожаш ба, заправкашка хьал мишта латт. Къаьстта теркам тӀабохийт шахьара юкъе йолча газозаправкай станцешта (АГЗС), иштта автозаправочни станцешта (АЗС).
Керттера декхар да, цу моттигашка цӀи ялара кхерамзлен Ӏалашо хилийтар, иштта цига болх беш болча наьха къахьегама мах оттабар, цу юкъе къайлагӀа хьаийца болхлой а болаш.
Комисси хилар 8 заправке, царех йиъ кхоачамбоацараш юкъе долаш яр. Болх чакхбаьнначул тӀехьагӀа, уж юстардахара, цу моттигашка кхерамзлен Ӏалашо яра дола дешаш кхоачашдергда.
