Шахьара мераша, ГӀалгӀайчен Кулгалхочун «Нахацара къамаьла» тӀехь совещани дӀахьу
Наьсарен мэра Оздой Руслана, Шолжа мэра Ӏумаранаькъан Аслана кхетаче дӀайихьар, «Нахацара къамаьл» яхача передаче Келаматанаькъан Махьмуд-Ӏаьлас тӀадаьхка декхараш кхоачашдара хьакъехьа.
Нахаца къамаьл деш хиннача юкъа, Шолжера ши хаттар дера: баха кхераме долча цӀенах, Восточни оалача даькъ тӀа керда берий беш хьалъярах. Цигарча администраце зарбан болх лелабераша беча хоамах, уж нах хьабехаргба мэре, цига Ӏумаранаькъан Аслана царна довзийтаргда цу хаттарий хьал.
Наьсарен администрацех аьлча, шахьара кулгалхочо доакъой кулгалхошта, гӀончашта хьалхашка декхар оттадир; хӀара хьадена хинна кхайкарал тахка а кхоачашде а, аьнна.
Наьсарен бахархой хаттараш дувзаденна дар ЖКХ балхаца, наьха фусамашца, наькъаш дарца. Иштта хаттар кхаьчар лаьрххӀача операце веннача бӀухочун наьнагара. Оздой Руслана белгалдаьккхар, из хаттар ший тӀахьожаме хургда, аьнна.
